14 06 2017
რა სიხშირით უნდა მივმართოთ ოფთალმოლოგს?
ნახვა (4139)
კომენტარები (0)

მხედველობის დროული შემოწმება აუცილებელია თითოეული ჩვენთაგნის ჯანმრთელობისათვის. დაქვეითებული მხედველობის დროს ძალიან ძნელია სრულფასოვნად განახორციელო სხვადასხვა ელემენტარული ყოველდღიური ქმედება. მაგ: მანქანის მართვა, კითხვა, ქუჩაში უსაფრთხოდ გადაადგილებაც კი. გარდა ამისა, დაქვეითებული მხედველობა შეიძლება ნიშნავდეს ისეთი სერიოზული და მხედველობისათვის სახიფათო დაავადებების არსებობას როგორიცაა გლაუკომა, კატარაკტა  და ა.შ 

მხედველობის პერიოდული შემოწმება ხშირად გვეხმარება იმ პრობლემების დროულად აღმოჩენაში, რომელიც არ არის აშკარად გამოხატული.მხედველობის პროფესიონალური შემოწმება ხდება სპეციალური დანადგარების მეშვეობით ექიმი-ოფთალმოლოგის კაბინეტში, სადაც მოწმდება თვალის შესაძლებლობა, გაარჩიოს სხვადასხვა ზომის დეტალები ახლო და შორ მანძილზე. აქედან გამომდინარე, შემოწმება ხდება სპეციალური ტაბულებით ორივე ზემოაღნიშნულ დისტანციაზე.რეფრაქციის გამოკვლევა ეს არის სათვალის ლინზის ოპტიკური ძალის განსაზღვრა, რომელიც აუცილებელია პაციენტის მხედველობის სიმახვილის ნორმამდე მისაყვანად. 

როდის და რა სიხშირით უნდა შემოწმდეს მხედველობის სიმახვილე?  

მხედველობის სიმახვილის შემოწმება უნდა ხდებოდეს რეგულარულად თუ მხედველობის პრობლემები არ არსებობს. ასაკიდან გამომდინარე, მხედველობის შემოწმებას გირჩევთ შემდეგი პერიოდულობით: 

 ✔ 6 თვის ასაკში 

 ✔ 3 წლის ასაკში 

 ✔ სკოლამდე 

 ✔ ყოველ წელს სკოლის პერიოდში

 ✔ ყოველ 2 წელიწადში ერთხელ 19-დან 64 წლამდე

 ✔ 65 წლის შემდეგ წელიწადში ერთხელ 

ეს არის ოფთალმოლოგთა ასოციაციის მიერ შეჯამებული მონაცემები.  

• რატომ უნდა ჩავიტაროთ მხედველობის დიაგნოსტიკა? 

მხედველობის დიაგნოსტიკა რეკომენდირებულია შემდეგი მიზეზების გამო:

 1) იმისთვის რომ შევამოწმოთ არის თუ არა საჭირო მხედველობის სიმახვილის კორექცია, ანუ  საჭიროებს თუ არა კონკრეტული პიროვნება სათვალეს ან კონტაქტურ ლინზას.

 2) შესაძლებელი თვალის დაავადებების მონიტორინგისათვის. მაგ: დიაბეტის დროს.

 3) ტრამვების დროს.

 4) მართვის მოწმობის მისაღებად და ზოგიერთი პროფესიის დასაშვებად.   

    • რა არის საჭირო მხედველობის სიმახვილის შესამოწმებლად: 

მხედველობის სიმახვილის შესამოწმებლად, პაციენტს არავითარი სპეციალური მომზადება არ სჭირდება. თუ უკვე სარგებლობთ სათვალით ან კონტაქტური ლინზით, უმჯობესია, ოფთალმოლოგთან ვიზიტისას, თან იქონიოთ. გახსოვდეთ, რომ ზოგიერთმა მედიკამენტმა შეიძლება იმოქმედოს მხედველობის სიმახვილეზე, ამიტომ აუცილებლად აცნობეთ ეს თქვენ სპეციალისტს. შეეცადეთ დაწვრილებით  აუხსნათ თქვენი პრობლემები - რისთვის  გჭირდებათ სათვალე ან კონტაქტური ლინზა, კონკრეტულად რა სახის დისკომფორტს განიცდით.სხვადასხვა ინტერნეტ-საიტები გვთავაზობს ძალიან ბევრ ტაბულას სახლის პირობებში მხედველობის შესამოწმებლად. ცხადია, ამის გაკეთება შეიძლება  მაგრამ, ეს არ იძლევა სრულფასოვან  მონაცემებს. თუ ასეთი შემოწმების შედეგად, რამეში შეგეპარათ ეჭვი, ნუ დაკარგავთ დროს  და მიმართეთ ექიმ-ოფთალმოლოგს.აქვე მინდა დავამატო: „რონიკოს“ ოპტიკური სალონები აღჭურვილია ბოლო თაობის დიაგნოსტიკური აპარატურით. ჩვენი ექიმები პერიოდულად იმაღლებენ კვალიფიკაციას საზღვარგარეთ სპეციალურ ტრენინგებზე. აგრეთვე, პერიოდულად ვმასპინძლობთ ჩვენს ევროპელ კოლეგებს, რომლებიც გვიზიარებენ საკუთარ გამოცდილებას და ერთად ვატარებთ პრაქტიკულ სემინარებს. ასე რომ, - გელით ჩვენს ოპტიკურ სალონებში.    

გაზიარება:

ონლაინ მაღაზია

რონიკო მოხარულია გაცნობოთ, რომ კომპანიამ განაახლა ვებ-გვერდი და შექმნა ონლაინ-მაღაზია!რონიკოს ონლაინ-მაღაზია გაძლევთ შესაძლებლობას ჩვენი პროდუქტები შეიძინოთ ონლაინ, ისარგებლოთ ადგილზე მიტანის სერვისით, რათა დაზოგოთ დრო დ...

ნახვა (1512)
კომენტარები (0)

გამადიდებელი ლუპები

რონიკო წარმოგიდგენთ გერმანული კომპანია Eschenbach Sehhilfen-ის გამადიდებელ საშუალებებს (ე.წ. ლუპებს), რომლებიც განკუთვნილია სუსტი მხედველობის მქონე ადამიანებისთვის, გარდა სუსტი მხედველობის მქონე ადამიანებისა გამადიდებელ...

ნახვა (2366)
კომენტარები (0)
ონლაინ დახმარება