05 08 2015
სათვალე თუ კონტაქტური ლინზა?
ნახვა (12336)
კომენტარები (0)

სათვალე თუ კონტაქტური ლინზა?

ბევრს აინტერესებს რომელი ჯობია, - სათვალე თუ კონტაქტური ლინზა? სწორედ ამ საკითხზე საუბრობს „რონიკოს“ მთავარი ექიმი-ოფთლმოლოგი სვეტლანა ავეტიკიანი.

 

მაინც რომელი ჯობია - სათვალე თუ კონტაქტური ლინზა?

ორივეს აქვს როგორც ღირსებები, ასევე, ნაკლოვანებები. მაგალითად, სათვალე მხოლოდ კორექციის საშუალება კი არ არის, არამედ აქსესუარიც, რომელსაც თანამედროვე ადამიანი იმიჯის შეასაქმნელად იყენებს. ბევრი სათავლეს სწორედ ამ დატვირთვას ანიჭებს და არასოდეს იცილებს მას. ზოგიერთისათვის კი სათვალის ტარება ამ თუ იმ მიზეზით მიუღებელია. მათ ერთდაერთი გამოსავალი რჩებათ - კონტაქტური ლინზების ხმარება. არიან ისეთები, რომლებიც სათვალესაც ატარებენ და ლინზებსაც. მაგრამ უნდა ვიცოდეთ, რომ ერთი მეორეს არ ცვლის. მოდი, ცალ-ცალკე განვიხოლოთ ორივე მათგანი. დავიწყოთ სათვალით.

სათვალე და მისი უპირატესობები

სათვალე მხედველობის კორექციის ძალზე პოპულარული საშუალებაა. იგი არ მოითხოვს განსაკუთრებულ მოვლას, ხოლო თუ ორგანული მინისაგან (ე.წ. „პლასტიკი“) არის დამზადებული, ორმაგად გამძლეა და უსაფრთხო.

მაკორეგირებელი სათვალის მთავარი ნაწილია ლინზა, რომელზეც დამოკიდებულია ჩვენი მხედველობა. მისი მეშვეობით შეიძლება გამოსწორდეს ისეთი პათოლოგიები, როგორებიც არის: მიოპია (ახლომხედველობა), ჰიპერმეტროპია (შორსმხედველობა), ასტიგმატიზმი და პრესბიოპია.

სათვალის ლინზები რამდენიმე ტიპსაა. მისი ძირითადი ტიპებია:

მონოფოკალური, რომელიც გამოიყენება მიოპიის, ჰიპერმეტროპიის და ასტიგმატიზმის შემთხევაში;

ბიფიკალური, რომელიც გამოიყენება პრესბიოპიის დროს. მას აქვს ორი ოპტიკური ზონა: ზევით - შორს ხედვისთვის, ხოლო ქვევით - ახლო ხედვისთვის.

პროგრესული, რომელსაც სევე პრესბიოპიის დროს იყენებენ. მას აქვს რამდენიმე ოპტიკური ზონა და უზრუნველყოფს ხედვას სხვადასხვა მანძილზე.

საოფისე პროგრესული. ასეთი ლინზები ოფისში სამუშაოდ გამოიყენება. მას არ გააჩნია შორს ხედვის ზონა. მისი სამუშაო ფართობია 50-80 სმ. - სწორედ ამ მანძილზეა მოთავსებული კომპიუტერი. 

როგორი უნდა იყოს სათვალის ლინზები?

ერთ-ერთი უმთავრესი მოთხოვნა მინის წონასა და სისქეს ეხება. არავის სურს ატაროს მძიმე სათვალე, რომელიც დროთა განმავლობაში, ცხვირზე ნაჭდევებს აჩენს. ამიტომ მძიმე მინერალური ლინზების (მინა) ნაცვლად ბოლო ხანს უფრო მეტად ორგანულ ლინზებს იყენებენ. მაგრამ ორგანული ლინზებიც განსხვავდება ერთმანეთისაგან დაფარვისა და გამუქების კოეფიციენტით. არსებობს ასფერული ლინზებიც. ისინი უფრო თხელი, ესთეტიკური და ვიზუალურად ეფექტურია.

კონტაქტური ლინზები და მათი უპირატესობები

კონტაქტური ლინზების მომხმარებლები უმთავრესად 18-დან 35 წლამდე ასაკის ახალგაზრდები არიან. მაგრამ არიან ისეთებიც, რომლებიც მთელი ცხოვრება ატარებენ ლინზებს. ახალგაზრდები მათ იმიტომ ირჩევენ, რომ კონტაქტური ლინზები ხელს არ უშლის ფიზიკურ აქტიურობას არც სპორტში, არც მოგზაურობისა და მუშაობის დროს. ზოგიერთს კი უბრალოდ არ მოსწონს სათვალე, ანდა სურს ჰქონდეს ბუნებრივი მხედველობის შეუზღუდავი ველი. კონტაქტურ ლინზას აქვს თვისი უდაო უპირატესობები. ეს უპირატესობებია:

 მაღალი მიოპიის, ჰიპერმეოპიის, ასტიგმატიზმის შემთხვევაში კონტაქტური ლინზა უზრუნველყოფს მხედველობის ფართო არეალს. სათვალის ხმარებისას კი მხედველობის არე ერთგვარად შეზღუდულია.

 კონტაქტური ლინზა არ იორთქლება, სიცივეში ქუჩიდან შენობაში შესვლისას. წვიმაში არ სველდება. გარდა ამისა, სათვალეზე ნაკლებად ტრავმულია.

 

კონტაქტური ლინზების ტიპები

კონტაქტური ლინზები ერთმანეთისაგან განსხვავდება ცვლისა და უწყვეტი მოხმარების ვადით. გარდა ამისა, ისინი იყოფიან მკვრივ და რბილ ლინზებად. მომხმარებელთა უმრავლესობა რბილს ამჯობინებს, მაგრამ არის შემთხვევები, როცა მკვრივი კონტაქტური ლინზის დანიშვნა აუცილებელია. თანამედროვე რბილი კონტაქტური ლინზები ორი ტიპის მასალისგან: ჰიდროგელისა და სილოკონ-ჰიდროგელისაგან მზადდება. ჰიდროგელის ლინზები დღისით სახმარია, ხოლო სილიკონ-ჰიდროგელი შეიძლება ვიხმაროთ ღამითაც. მოხმარების ვადის თვალსაზრისით, არსებობს ერთდღიანი, ორკვირიანი, ერთთვიანი, სამთვიანი და უფრო ხანგრძლივი მოხმარების ლინზები, რომლებიც ცვლის თვალის ფერს, მაგრამ მათი გამოყენება მხოლოდ დღისით შეიძლება.

კონტაქტური ლინზის მოხმარების წესები

უმთავრესი მოთხოვნაა ლინზის მოხმარების ვადის მკაცრი დაცვა. ერთთვიანი ლინზა უნდა ვატაროთ ერთი თვე და არამც ადა არამც ამაზე მეტი, ორკვირიანი - ორი კვირა და ა.შ.

მეორე მოთხოვნაა ზედმიწევნითი ჰიგიენა - როგორც პირადი, ასევე ლინზისა. ლინზის მოსავლელი ხსნარი უნდა შეიცვალოს ლინზის ყოველი მოხმარების შემდეგ, ლინზას უნდა შევეხოთ მხოდოდ დაბანილი ხელებით. დიდი ხანი არ არის, რაც საქართველოში შემოვიდა ერთდღიანი ფერადი ლინზები, რომლებსაც ზოგი თითქმის ერთი კვირა ატარებს. ეს იმიტომ, რომ ლინზა ხარისხიანია და არ იწვევს არავითარ დისკომფორტს. ასეთი რამ დაუშვებელია.

კონტაქტური ლინზა და ბავშვები

ბავშვებისათვის ლინზის ხმარება შეიძლება სამი წლიდან. ცხადია, ჩასმა, ამოღება და მოვლა ამ დროს უფროსს ეკისრება. გარდა ამისა, არის შემთხვევები, როდესაც კონტაქტური ლინზის დანიშვნა პირდაპირ არის ნაჩვენები, სახელდობრ, ასეთია:

მაღალი ხარისხის მიოპია

ჰიპერმეტროპია

ასტიგმატიზმი

აფაკიის შემთხვევები ტრავმული ან თანდაყოლილი კატარაქტის ექსტრაქციის შემდგომ

ანისომეტროპია, როცა სათვალით სასურველი შედეგი ვერ მიიღწევა

დასასრულს კი აი რა მინდა გითხრათ: არ აქვს მნიშვნელობა ლინზხას ატარებთ თუ სათვალეს, -  მთავარია ის ხარსიხიანი იყოს.


გაზიარება:

კომპანია რონიკოს გენერალური დირექტორის ბ-ნ როლანდ ჯავახიას ინტერვიუ ყოველწლიურ გამოცემაში "სახე(ლ)ები” - Faces&Names

როლანდ ჯავახია:"შეგრძნება მაქვს, რომ მთავარს ახლა ვიწყებთ" ყველაფერი ერთ სივრცეშია, მარტივად და კომფორტულად: მომხმარებელს ადგილზე ხვდება ოფთალმოლოგი, რომელიც თანამედროვე იაპონური აპარატურის დახმარებით, მაქსიმალური ს...

ნახვა (904)
კომენტარები (0)

რონიკო - Ray-Ban-ის სერტიფიცირებული გამყიდველი!

სად შევიძინოთ დადასტურებულად ორიგინალი Ray-Ban?!  მსოფლიოში ყველაზე პოპულარულმა და მოთხოვნადმა სათვალეების ბრენდმა Ray-Ban შექმნა და მთელ მსო...

ნახვა (1883)
კომენტარები (0)
ონლაინ დახმარება